ASTEBURUKO AGENDA (30-31-1)

2011/12/29
Urteko azken asteburua badator eta Elgoibarko Gabon Zahar feriaz gozatzeko aukera izango dugu, baina beste azoka bat ere izango da, Eibarko Artisautza Azoka. Gainera, ostiralean urtero legez Jaiotza Biziduna egingo dute Hondarribian, 40 lagun baino gehiagok parte hartuko duten argia eta hotsa uztartzen dituen ikuskizun honetan. Eta, azkenik, jende asko erakartzen dituzte Gabonetako Haur Parkeek, Gipuzkoan nonahi daudenak gure inguruan etxeko txikienek ederki gozatu dezaten. Denei 2012 urte berri on!

(31) Gabon Zahar Feria Elgoibarren. Gazta, fruta, barazki eta lore erakusketa eta lehiaketa, Eusko Label saiheskiz egindako pintxoen dastatzea, animalien erakusketa eta askozaz gehiago izango da larunbatean, 08.30etik aurrera eta egun osoan zehar Nafarroa Plaza eta inguruetan.
(30-31) Eibarko Artisautza Azoka. Eibart Eibarko Artisau Elkarteak aurten zazpigarren Gabonetako Artisautza Azoka egingo du, urteak aurrera doazen heinean ohitura bilakatu dena. Urtero bezala, merkatua Eibarko Bizikleta Plazan kokatuko da.
(30-31) Gabonetako Haur Parkeak. Neska-mutilek Gipuzkoako hainbat herritan gozatu ahal izango dute haur parkeez Donostian, Tolosan, Zarautzen, Lasarte-Orian edota Eibarren, besteak beste, eskaintzen dituzten ekintzez.
(30) Hondarribiko Jaiotza Biziduna. 19.30ean herriko harresietan egingo dute Jaiotzaren antzezpena, non 40 lagunek parte hartuko duten. Muntaia ikusgarria izango da, izan ere argia eta hotsa uztartuko dituzte.

Berri guztiak ikusi

2011 Gipuzkoamarket Eskubide guztiak babestuta